Nú er það orðið opinbert...
Við heilsufarsskoðun hjá dýralækni fékk nýja kisan þetta komment: kettlingurinn virðist heilbrigður og rétt skapaður, bæði eistu gengin niður í pung! Þá vitum við það, hún Mía litla er elsku Míó minn :) Þeir fóstbræður, Karíus og Míó eru farnir að leika sér eins og brjálæðingar og voru m.a.s. staðnir að því að sofa saman í rúminu mínu þegar þeir héldu að enginn sæi til!
En herðablöðin á mér og hálsvöðvarnir eru aumari en ég get líst. Kínverjinn er búinn að stinga mig með nálum aftur og svo setti hann á mig einhverja heita bolla sem hann svo lofttæmdi svo ég er núna með fimm stóra kringlótta sogbletti á bakinu. Depill heldur örugglega að ég hafi gert þetta svo ég gæti verið doppótt eins og hann :) Set inn mynd af þessum ósköpum seinna, núna ætla ég að halda áfram að vinna....
posted by Anna Malfridur at 17:55
10 Comments:
Láttu þér batna og ég myndi fara að endurskoða þetta með kínverjana ef þeir halda bara áfram að stinga þig með prjónum og gera á þig sogbletti !
nákvæmlega nafna ; )
til hamingju með hann mío annars
Alltaf smart að vera með sogbletti!
Takk fyrir stuðninginn í gær :)
P.S. er það einhver árátta hjá þér að safna vinkonum sem heita Anna? :P
Ég veit ekki um Önnu Anna en mér finnst þetta rosalega þægilegt að þurfa bara kunna eitt nafn ; )
Jú kæru nöfnur, það er aldrei of mikið af Önnum :)
jú stundum er maður bara að drukkna í öllum þessum önnum
muhahahhahahahahaha
Það kom líka í ljós eftir DNA rannsókn á Hansa mínum að hann er karl svo ég get haldið áfram að kalla fiðurfénaðinn Hansa:)
Kveðja Inda
Hvernig er það kona, á ekkert að fara að blogga meira og sýna Önnunum þínum fleiri myndir af snúllunum?
Hun kemst bara ekki að vegna anna
Maður þorir varla að commenta hérna þar sem ég heiti bara Ásdís, en Á-ið er þó næst á eftir A-inu í stafrófinu þannig þetta hlýtur að sleppa.
Til hamingju með strákinn, hann Mío. Bestu kveðjur úr Kisukoti.
Skrifa ummæli
<< Home